Dil Ne Wafa Ke Naam Par Kaar-E-Wafa Nahi Kiyaa

"Dil Ne Wafa Ke Naam Par Kaar-E-Wafa Nahi Kiyaa"

By John Elia


Dil Ne Wafa Ke Naam Par Kaar-E-Wafa Nahi Kiyaa
Khud Ko Halaak Kar Liyaa Khud Ko Fidaa Nahiin Kiyaa

Kaise Kahen Ke Tujh Ko Bhii Hamase Hai Vaastaa Koi
Tuune To Hamase Aaj Tak Koi Gilaa Nahiin Kiyaa

Tuu Bhii Kisii Ke Baab Men Ahad-Shikan Ho Gaaliban
Main Ne Bhii Ek Shakhs Kaa Qarz Adaa Nahiin Kiyaa

Jo Bhii Ho Tum Pe Mautariz Us Ko Yahii Javaab Do
Aap Bahot Shariif Hain Aap Ne Kyaa Nahiin Kiyaa

Jis Ko Bhii Shekh-O-Shaah Ne Hukm-E-Khudaa Diyaa Qaraar
Hamane Nahiin Kiyaa Vo Kaam Haan Baa-Khudaa Nahiin Kiyaa

Nisbat-E-Ilm Hai Bahot Haakim-E-Vaqt Ko Aziiz
Us Ne To Kaar-E-Jehl Bhii Be-Ulaamaa Nahiin Kiyaa




Click Here and Read More John Elia Classical Poetry